Հյուրանոցը նման է քաղաքի՝ բայց փոքրացված մասշտաբով: Հյուրանոցը միայն սենյակներն ու ռեստորանները չեն, ինչը կարող է տեսնել հյուրը: Հյուրանոցը շնչող օրգանիզմ է, ամեն տիպի համակարգերով և օրգաններով, որոնք հարաբերվում և գործում են միասին: Հյուրանոցի հաջողությունը մեծապես կախված է ֆունկցիոնալ հատվածների ճիշտ պլանավորումից և դրանց աշխատանքից: Նրանք, ովքեր ծանոթ չեն հյուրանոցի ներքին տնտեսությանը, հազիվ կարող են երևակայել, թե ինչքան բարդ կարող է այն լինել: Եթե այդ հատվածներից բացակայում են, կամ դժվար հասանելի կամ կառավարելի են, ապա հյուրանոցի աշխատանքը արդյունավետ չի կարող լինել: Ֆունկցիոնալ հատվածների վատ պլանավորումն ու դիզայնը առաջ են բերում վատ ու դանդաղ սպասարկման, ավելի մեծ ծախսեր, հյուրերի բավարարվածության ցածր մակարդակ և որպես արդյունք՝ ցածր շահութաբերություն:
Ցանկալի է, որ հյուրանոցի ֆունկցիոնալ հատվածների ճիշտ պլանավորումն ու դիզայնը իրականացվեն նախքան հյուրանոցի շահագործման հանձնելը: Պատահում է, որ հյուրանոցները ինչ-ինչ պատճառով ժամանակին չեն պլանավորել ֆունկցիոնալ հատվածները: Այդ դեպքում, վաղ թե ուշ, հրամայական է դառնում վերաձևել հյուրանոցը՝ կենսունակ մնալու համար:
Մեր փորձառու անձնակազմը, զինված պրակտիկ և տեսական գիտելիքներով և փորձով, կօգնի Ձեզ գտնել արդյունավետ լուծում թե' արդեն գոյություն ունեցող շենքում, թե' հյուրանոցի նախագծման շրջանում:
Հայտնեք մեզ Ձեր խնդիրները, և արհեստավարժ լուծումը իրեն երկար սպասեցնել չի տա:
